Në Gostivar është vërejtur një ulje e numrit të pacientëve që kërkojnë ndihmë mjekësore për simptoma si dhimbje barku, diarre dhe plogështi, të cilat lidhen me ujin e ndotur dhe virozat sezonale. Drejtori i spitalit, Emri Bajrami, thekson se shifrat aktuale janë normale për këtë periudhë dhe nuk tregojnë për një virus të ri apo përkeqësim të situatës. Aktualisht, vetëm dy pacientë me simptoma më të rënda janë të hospitalizuar, ndërsa pjesa tjetër trajtohen në shtëpi. Megjithatë, gjendja e krizës në Gostivar vazhdon dhe po kryhen kontrolle të vazhdueshme të ujit deri në konfirmimin e përmbajtjes së sigurt për konsum.