Federata Sllovake e Futbollit ka vendosur që tifozët me pasaporta të Kosovës të lejohen të hyjnë vetëm në sektorin e tifozëve mysafirë gjatë ndeshjes mes Sllovakisë dhe Kosovës në Bratisllavë. Ky vendim synon të parandalojë përdorimin e pankartave, simboleve ose mesazheve ofenduese dhe të sigurojë një ambient të sigurt në stadium. Shumë tifozë kosovarë, të cilët kishin blerë bileta në sektorë të ndryshëm, janë zhgënjyer pasi nuk do të mund të përdorin ato bileta për shkak të kufizimit të hyrjes. Ata janë këshilluar të mos udhëtojnë në Sllovaki nëse nuk kanë bileta për sektorin e tifozëve mysafirë, ndërsa Federata sllovake thekson se ky rregull është për respektimin e rregullave të stadiumit dhe sigurinë e ngjarjes.