Organizata arbëreshe Fili Meridiani APS nga Pallagorio i Italisë ka shprehur shqetësim dhe solidaritet të plotë me Universitetin e Shkencave të Aplikuara në Ferizaj, pas lajmeve për mundësinë e mbylljes së këtij institucioni. Ata vlerësojnë lart cilësinë e arsimit, profesionalizmin e stafit dhe angazhimin e studentëve, duke përmendur edhe bashkëpunimet e suksesshme ndërkombëtare, si projekti i Javës së Muraleve Arbëreshe në Itali. Organizata thekson rëndësinë e këtij universiteti si një pikë referimi për arsimin, kërkimin shkencor dhe dialogun ndërkulturor mes Kosovës dhe Italisë. Në reagimin e saj, Fili Meridiani APS rikonfirmon mbështetjen e saj për të ardhmen e universitetit dhe komunitetit universitar në Ferizaj.