Qeveria ka paralajmëruar ndërtimin e një spitali të ri në Kërçovë me një investim prej 22 milionë eurosh, në një lokacion të ri pranë rrugës magjistrale dhe Kazermës. Projekti parashikon një objekt modern me kapacitet 80-120 shtretër, pajisje të avancuara dhe shërbime specialistike, ndërsa marrëveshja me Bankën Botërore pritet të nënshkruhet brenda gjashtë muajve. Megjithatë, qytetarët mbeten skeptikë për realizimin e këtij premtimi, duke pasur parasysh historikun e gjatë dhe të pasuksesshëm të ndërtimit të spitalit në qytet. Objekti ekzistues, i papërfunduar dhe i pashfrytëzuar për dekada, do të transformohet në një qendër për të moshuar dhe fëmijë me nevoja të veçanta, sipas autoriteteve lokale.