Kryetari i Këshillit Kombëtar Shqiptar, Enkel Rexhepi, ka reaguar ashpër ndaj zhvillimit të stërvitjeve ushtarake të Serbisë në territorin e Komunës së Bujanocit, pranë kufirit me Kosovën, duke i cilësuar ato si një provokim të drejtpërdrejtë ndaj popullatës shqiptare. Ai ka theksuar se demonstrimi i forcës me helikopterë dhe parashutistë në zona të banuara përbën një kërcënim serioz për qetësinë dhe sigurinë e qytetarëve shqiptarë. Rexhepi ka paralajmëruar se këto veprime rikthejnë një klimë frike dhe pasigurie në rajon, duke krijuar presion dhe frikësim mbi komunitetin shqiptar. Ai gjithashtu ka theksuar se kjo situatë ndikon në shtimin e pasigurisë dhe nxitjen e shpërnguljes së shqiptarëve nga këto troje.