Nesër në orën 14:00, Këshilli Studentor i Fakultetit të Filologjisë do të mbajë një protestë paqësore para Ambasadës së Maqedonisë së Veriut në Prishtinë. Qëllimi i protestës është mbrojtja e përdorimit të gjuhës shqipe në provimet shtetërore në Maqedoninë e Veriut, duke kundërshtuar barrierat gjuhësore që pengojnë të rinjtë shqiptarë në arsimin e tyre. Studentët e Kosovës ftojnë qytetarët, profesorët dhe organizatat studentore të bashkohen në këtë kauzë për të mbrojtur të drejtën e qindra mijëra shqiptarëve në Maqedoni. Ata theksojnë se gjuha shqipe nuk është privilegj, por një të drejtë që duhet respektuar për të siguruar një të ardhme të barabartë për të rinjtë shqiptarë në rajon.