Studentët protestues në Serbi po shqyrtojnë mundësinë e nxjerrjes së një kandidati për president që do të sfidojë Aleksandar Vuçiqin në zgjedhjet e ardhshme. Përfaqësuesi i tyre, Çeda Aleksiq, ka paralajmëruar se lëvizja studentore është duke diskutuar këtë opsion dhe është gati të ofrojë zgjidhje konkrete për problemet aktuale në vend. Të shtunën në Novi Sad do të mbahet një tubim me moton “Nuk jemi ndalur”, ku do të prezantohen propozime dhe do të bëhen vlerësime për zgjedhjet lokale, duke theksuar se tubimi nuk do të jetë protestë dhe do të përfundojë pa incidente. Këto zhvillime vijnë pas muajit të protestave dhe përleshjeve të dhunshme që nisën pas një incidenti tragjik në Novi Sad, ku humbën jetën 16 persona.