Më shumë se 40 studentë shqiptarë nga Tirana, të cilët po udhëtonin për të marrë pjesë në protestën për gjuhën shqipe në Shkup, u ndaluan dhe mbahen për më shumë se 8 orë nga policia maqedonase në kufirin e Bllatës. Ata u kontrolluan një nga një dhe u shoqëruan nga Dibra deri në Kumanovë, pa leje për të ndaluar për ujë, ushqim apo nevoja personale, duke u trajtuar në mënyrë të papranueshme dhe si kriminelë. Gazment Bardhi dënoi ashpër këtë trajtim çnjerëzor dhe theksoi se është skandaloze heshtja e plotë e qeverisë shqiptare, e cila nuk ka reaguar për këtë situatë. Ai e cilësoi këtë veprim si një pengmarrje shtetërore dhe kritikoi mungesën e mbrojtjes për qytetarët shqiptarë nga ana e Tiranës zyrtare.