Hakerët e quajtur “Homeland Justice” dhe të mbështetur nga Irani kanë sulmuar postën elektronike të Kuvendit të Shqipërisë, duke publikuar përmbajtje nga adresat e disa deputetëve të njohur si Belinda Balluku, Damian Gjiknuri, Gezim Bardhi dhe Edi Paloka. Autoriteti Kombëtar për Sigurinë Kibernetike (AKSK) ka ngritur një grup pune për të analizuar sulmin dhe po kryen hetime teknike në terren për të marrë masat e nevojshme. Për shkak të sulmit, administrata e Kuvendit dhe deputetët nuk kanë pasur akses në kompjuterët dhe email-et për disa orë. Ky sulm vjen pas një serie sulmesh të mëparshme nga i njëjti grup, që kishin nxjerrë jashtë funksionit faqet e Bashkisë Tiranë dhe Institutit të Statistikave.