Superjahti A+, në pronësi të Sheikh Mansour bin Zayed Al Nahyan, pronarit të klubit Manchester City dhe anëtar i familjes mbretërore të Abu Dhabit, është ankoruar në portin e Durrësit. Kjo anije luksoze, e ndërtuar në vitin 2012 nga kompania Lürssen dhe e gjatë 147 metra, vlerësohet së bashku me anijen mbështetëse M2 në rreth 450 milionë dollarë. Furnizimi me karburant i jahteve luksoze si A+ dhe M2 në portet shqiptare është kthyer në një burim të rëndësishëm të ardhurash për shtetin, me taksën direkte të luksit që pritet të sjellë rreth 280 mijë euro vetëm nga ky furnizim. Vetëm gjatë vitit 2025, taksat nga furnizimet me naftë për jahte dhe mjete të tjera luksoze në Shqipëri kapën mbi 12 milionë euro, duke treguar rëndësinë ekonomike të këtij sektori.