Ministri i Bujqësisë, Pylltarisë dhe Zhvillimit Rural i Kosovës, Armend Muja, ka pritur në takim homologun e tij nga Shqipëria, Andis Salla, në një vizitë zyrtare që synon forcimin e bashkëpunimit në sektorin e bujqësisë dhe zhvillimit rural. Takimi përfshin një pritje zyrtare, një takim bilateral mes dy ministrave, si dhe një takim pune ndërmjet delegacioneve përkatëse. Pas këtyre takimeve, është planifikuar të mbahet një konferencë e përbashkët për media, ku do të diskutohen temat e sigurisë ushqimore, lehtësimit të tregtisë dhe eliminimit të barrierave administrative. Kjo vizitë synon trajtimin e çështjeve me interes të përbashkët dhe avancimin e bashkëpunimit rajonal në fushën e bujqësisë.