Drejtori Rajonal i Policisë në Ferizaj, nënkolonel Faton Pllana, priti në takim kolonel Federico Mora, komandantin e Komandës Rajonale Perëndim të KFOR-it, i shoqëruar nga nënkolonel Behar Mara, zëvendëskomandant i kësaj komande. Gjatë takimit, Pllana informoi për situatën e sigurisë në rajonin e Ferizajt, duke e vlerësuar atë si të qetë dhe të menaxhueshme falë masave parandaluese dhe angazhimit të vazhdueshëm të policisë në terren. Kolonel Mora theksoi gatishmërinë e KFOR-it për të thelluar bashkëpunimin dhe koordinimin ndërinstitucional me Policinë Rajonale të Ferizajt, në funksion të garantimit të sigurisë për qytetarët. Në përmbyllje, palët ranë dakord që bashkëpunimi i ndërsjellë të vazhdojë dhe të forcohet edhe më tej në të ardhmen.