Gjeneralmajor Özkan Ulutaş, komandanti i misionit të KFOR-it, ka pritur në selinë e misionit në Prishtinë gjenerallejtënantin Kari Nisula, zëvendësshef i Shtabit për Operacione në Komandën e Mbrojtjes së Finlandës. Takimi u përqendrua në diskutimin e situatës së sigurisë në Kosovë dhe sfidave aktuale në terren. Komandanti i KFOR-it rikonfirmoi përkushtimin e misionit për të ruajtur një ambient të sigurt dhe të qetë për të gjithë banorët e Kosovës, duke theksuar neutralitetin dhe vazhdimësinë e angazhimit. Gjeneralmajor Ulutaş gjithashtu shprehu mirënjohjen për kontributin e vazhdueshëm dhe të rëndësishëm të Finlandës në kuadër të misionit të KFOR-it.