Ministri i Mbrojtjes së Kosovës, Ejup Maqedonci, u takua me Ambasadoren e Finlandës, Eevamari Laaksonen, ku diskutuan për bashkëpunimin në fushën e mbrojtjes dhe forcimin e partneritetit ndërmjet dy vendeve. Gjatë takimit u trajtua koncepti i mbrojtjes totale dhe përvoja e Finlandës në zbatimin e këtij modeli, si dhe mundësitë për bashkëpunim në prokurimet e mbrojtjes. U përmend edhe përparimi i Forcës së Sigurisë së Kosovës dhe kontributi i saj në Forcën Ndërkombëtare Stabilizuese në Gaza, duke theksuar rolin e Kosovës si shtet kontribues në sigurinë ndërkombëtare. Ministria e Mbrojtjes bëri të ditur këto zhvillime përmes një postimi në Facebook.