Kryeministri Edi Rama priti në Tiranë ambasadorin e ri të Turqisë në Shqipëri, Ceyhun Erciyes, në një takim kortezie ku u diskutua për marrëdhëniet dypalëshe dhe bashkëpunimin në fusha të ndryshme. Rama ndau në rrjetin social X disa momente nga takimi, duke theksuar kënaqësinë për mirëpritjen e ambasadorit turk vëllazëror. Palët riafirmuan vullnetin për thellimin e mëtejshëm të bashkëpunimit, veçanërisht në aspektin ekonomik. Ambasadori Erciyes gjithashtu shprehu kënaqësinë për vizitën e ardhshme të kryeministrit Rama në Ankara gjatë Samitit të NATO-s, duke sinjalizuar një fazë të re në marrëdhëniet mes Shqipërisë dhe Turqisë.