Komandanti i misionit të NATO-s në Kosovë, gjeneralmajori Özkan Ulutaş, priti në një takim lamtumirës ambasadorin turk në Kosovë, Sabri Tunç Angılı, në selinë e KFOR-it në Camp Film City në Prishtinë. Ky takim u organizua me rastin e përfundimit të mandatit diplomatik të ambasadorit Angılı në Kosovë. Gjatë takimit, gjeneralmajori Ulutaş shprehu mirënjohjen dhe falënderimin për bashkëpunimin e shkëlqyer me ambasadorin dhe i uroi suksese në angazhimet e ardhshme. KFOR ritheksoi angazhimin e tij për të zbatuar mandatin e bazuar në Rezolutën 1244 të OKB-së, duke kontribuar në sigurinë dhe lirinë e lëvizjes për të gjithë qytetarët e Kosovës në mënyrë të paanshme.