Mevlan Ademi nga Lëvizja Studentore zhvilloi një takim me përfaqësues të Bashkimit Evropian, ku u diskutuan çështjet kyçe të sundimit të ligjit, zbatimit të Marrëveshjes së Ohrit dhe respektimit të të drejtave të komuniteteve në Maqedoninë e Veriut. Gjatë bisedës u theksua nevoja që BE-ja të tregojë të njëjtin përkushtim ndaj të drejtave të shqiptarëve, siç bën për komunitetet e tjera në rajon, duke i konsideruar shqiptarët faktor shtetformues. Ademi nënvizoi se mbrojtja e të drejtave themelore duhet të jetë udhërrëfyesi i çdo procesi demokratik dhe integrues në vend. Në fund, u shpreh falënderimi për ambasadorët që mbështetën dialogun dhe proceset demokratike, duke theksuar se respekti dhe standardet evropiane janë çelësi për një shoqëri më të drejtë dhe të barabartë.