Ministri për Evropën dhe Punët e Jashtme i Shqipërisë, Ferit Hoxha, priti në Tiranë ish-presidentin francez François Hollande në një takim ku u diskutuan marrëdhëniet bilaterale mes Shqipërisë dhe Francës, si dhe roli i Ballkanit Perëndimor në agjendën evropiane. Hoxha theksoi rëndësinë e procesit të anëtarësimit të Shqipërisë në Bashkimin Evropian, duke e cilësuar atë si një zgjedhje historike dhe identitare, e mbështetur nga reforma të thella dhe përkushtim për konsolidim demokratik. Gjatë bisedimeve u nënvizua roli kyç i Francës në politikën e zgjerimit të BE-së dhe nevoja për të ruajtur besueshmërinë dhe vazhdimësinë e këtij procesi. Ministri Hoxha falënderoi Hollande për ndarjen e përvojës së tij dhe vizionit mbi rëndësinë strategjike të integrimit të Ballkanit Perëndimor si një investim për sigurinë dhe stabilitetin e Evropës.