Në mbledhjen e grupit parlamentar të Partisë Socialiste dhe kabinetit qeveritar në Pallatin e Brigadave, ka ndodhur një moment tensioni mes kryeministrit Edi Rama dhe ish-ministres së Jashtme Elisa Spiropali. Gjatë raportimit mbi strategjinë e komunikimit, Spiropali ka qeshur gjatë fjalës së ministres Erjona Ismaili, çka ka shkaktuar një reagim të ashpër nga Rama, i cili i është drejtuar duke i thënë të mos komunikojë në prezencën e tij dhe duke paralajmëruar se mund të tregojë gjëra që nuk do t’i pëlqejnë. Elisa Spiropali i është kundërpërgjigjur duke sfiduar kryeministrin, ndërsa Rama ka paralajmëruar se do të marrë masa dhe e ka kërcënuar me përjashtim nga mbledhja. Në të njëjtën mbledhje janë prezantuar edhe katër variante të mundshme të ndarjes territoriale të Shqipërisë, duke përfshirë ndarjen në 36 rrethe dhe në 4 rajone.