Kryeministri i Maqedonisë së Veriut, Hristijan Mickoski, ka zhvilluar një takim me bashkëkryetarët e VLEN-it, Izet Mexhitin dhe Bilall Kasamin, për të diskutuar kërkesën e studentëve shqiptarë që provimi i jurisprudencës të mbahet edhe në gjuhën shqipe. Në këtë takim u theksua rëndësia e një qasjeje të përbashkët dhe të dinjitoze për të arritur zgjidhje që do të sjellin përparim dhe besim të ndërsjellë në shoqëri. Palët ranë dakord se arsimi dhe dijet janë themeli i çdo shteti modern dhe se institucionet po punojnë për gjetjen e një zgjidhjeje që respekton Kushtetutën dhe Ligjin për përdorimin e gjuhëve. Kjo nismë vjen pas frikës nga protesta që mund të shkaktohet nga mosplotësimi i kërkesave të studentëve shqiptarë për përdorimin e gjuhës shqipe në provimet juridike.