Riad Jashari ka rrëfyer për ngjarjet që paraprinë sulmin e forcave serbe ndaj familjes Jashari në Prekaz më 5 mars 1998. Ai ka treguar se disa muaj para sulmit kishte tentativa për rrëmbimin e të rinjve të zonës, përfshirë edhe Bashkim Jasharin, i cili sot është komandant i FSK-së. Më 4 mars, një natë para sulmit, Jashari ka vërejtur lëvizje të pazakonta të forcave dhe makinerive në Skenderaj, duke treguar se forcat serbe kishin planifikuar sulmin. Ai ka theksuar se këshillat e prindërve të familjes Jashari ishin për kujdes të shtuar gjatë lëvizjeve, pasi forcat serbe kishin tentuar të rrëmbenin edhe Fitimin, djalin e Adem Jasharit, por nuk ishin arritur të kapeshin.