Kryeministri i Maqedonisë së Veriut, Hristijan Mickoski, priti në takim kryeministrin kroat Andrej Plenkoviq, ku u diskutua për thellimin e bashkëpunimit ndërmjet dy vendeve në fusha kyçe si integrimi evropian, zhvillimi ekonomik dhe partneriteti rajonal. Gjatë takimit u nënshkrua një marrëveshje strategjike që hap mundësi për bashkëpunim intensiv në sektorë të rëndësishëm si transporti, energjetika, teknologjia informatike, industria, shëndetësia, arsimi dhe siguria, përfshirë edhe sigurinë kibernetike dhe menaxhimin e kufijve. Kryeministri kroat theksoi rëndësinë e infrastrukturës rrugore dhe bashkëpunimit në fushën e sigurisë së transportuesve, duke përmendur investimet në korridoret evropiane dhe lehtësimin e transportit të mallrave dhe udhëtarëve. Në përfundim, Ministritë e Energjetikës së Maqedonisë së Veriut dhe Ekonomisë së Kroacisë nënshkruan një memorandum bashkëpunimi që synon avancimin e projekteve konkrete dhe iniciativave të përbashkëta.