Lidhja Auto-moto e Maqedonisë njoftoi ndërprerjen totale të komunikacionit në rrugën Prilep-Manastir pranë mullirit Osman që nga ora 5:15 e mëngjesit të ditës së sotme. Ndërsa në rrugët e tjera shtetërore trafiku zhvillohet normalisht, por me intensitet të shtuar jashtë zonave urbane, shoferët paralajmërohen të rregullojnë shpejtësinë dhe të jenë shumë të kujdesshëm në zonat me lugina dhe gryka për shkak të rrezikut nga rrëshqitjet e dheut. LAMM rekomandon vëmendje të shtuar në seksionet Katllanovë-Veles, Mavrovë-Dibër-Strugë, Vinicë-Berovë dhe Koçan-Delçevë. Për më tepër, për shkak të aktiviteteve ndërtimore, në disa rrugë dhe autostrada si Gostivar-Strazhë, Kërçovë-Ohër dhe unaza rrugore e Shkupit ka regjime të përkohshme trafiku.