Komunikacioni në rrugët shtetërore të Maqedonisë zhvillohet pa probleme dhe rrugët janë të thata, megjithëse intensiteti i trafikut jashtë zonave urbane është rritur. Në pikën kufitare "Bogorodicë" ka pritje prej rreth 40 minutash, ndërsa në pikat e tjera kufitare nuk raportohen vonesa të gjata për hyrje dhe dalje nga vendi. Lidhja Auto-moto e Maqedonisë (LAMM) rekomandon që drejtuesit e automjeteve të respektojnë shpejtësinë e rregulluar dhe sinjalistikën e trafikut, duke qenë të kujdesshëm sidomos në seksionet rrugore që kalojnë nëpër lugina, lumenj dhe gryka, ku ka rrezik për rrëshqitje dheu. Këto këshilla vlejnë veçanërisht për rrugët Katllanovë-Veles, Mavrovë-Dibër-Strugë, Vinicë-Berovë dhe Koçan-Delçevë.