Komunikacioni në rrugët shtetërore të Maqedonisë po zhvillohet pa ndërprerje dhe me rrugë të thata, njofton Lidhja Auto-moto e Maqedonisë (LAMM). Intensiteti i trafikut jashtë zonave urbane është mesatar, ndërsa në pikat kufitare nuk raportohen vonesa të gjata për hyrje dhe dalje nga vendi. LAMM rekomandon respektimin e shpejtësisë së rregulluar dhe kujdes të shtuar në drejtim, sidomos në rrugët që kalojnë nëpër lugina dhe gryka, ku ka rrezik për rrëshqitje dheu. Seksionet më të rrezikuara për këtë janë Katllanovë-Veles, Mavrovë-Dibër-Strugë, Vinicë-Berovë dhe Koçan-Delçevë.