Sipas raportit të LAMM, komunikacioni në rrugët shtetërore të Maqedonisë së Veriut po zhvillohet pa pengesa dhe nuk ka pritje të gjata në pikat kufitare për hyrje dhe dalje nga vendi. Megjithatë, është vënë re një rritje e intensitetit të trafikut në rrugët jashtë zonave urbane, ku kushtet janë të thata. LAMM rekomandon respektimin e shpejtësisë së rregulluar dhe sinjalistikës së trafikut, si dhe kujdes të shtuar në seksionet e rrugëve që kalojnë nëpër lugina, lumenj dhe gryka, për shkak të mundësisë së rrëshqitjeve të dheut. Seksionet më të rrezikuara përfshijnë Katllanovë - Veles, Mavrovë - Dibër - Strugë, Vinicë - Berovë dhe Koçan - Dellçevë.