Komunikacioni në rrugët shtetërore të Maqedonisë së Veriut po zhvillohet normalisht, me rrugë të thata dhe intensitet mesatar të trafikut jashtë zonave urbane. Në vendkalimet kufitare nuk regjistrohen vonesa të gjata për hyrje dhe dalje nga vendi, duke lehtësuar lëvizjen e automjeteve. LAMM rekomandon respektimin e sinjalistikës dhe shpejtësisë së rregulluar, si dhe kujdes të shtuar në rrugët që kalojnë nëpër lugina, lumenj dhe gryka, ku ekziston rreziku i rrëshqitjeve të dheut. Seksionet më të rrezikuara janë Katllanovë-Veles, Mavrovë-Dibër-Strugë, Vinicë-Berovë dhe Koçan-Dellçevë, ku shoferët duhet të jenë veçanërisht të vëmendshëm.