Komunikacioni në rrugët shtetërore të Maqedonisë po zhvillohet në kushte të mira, me rrugë të thata dhe pa probleme të mëdha, megjithatë intensiteti i trafikut jashtë zonave urbane është rritur. Në vendkalimin kufitar Tabanoc, pritjet për dalje nga vendi arrijnë deri në 45 minuta, ndërsa në pikat e tjera kufitare nuk ka vonesa të gjata për hyrje dhe dalje. Shoqata e Automobilave dhe Motoçikletave e Republikës së Maqedonisë rekomandon respektim të shpejtësisë së rregulluar dhe sinjalistikës së trafikut, duke theksuar kujdes të shtuar në rrugët që kalojnë nëpër lugina, lumenj dhe gryka, ku ka rrezik nga rrëshqitjet e dheut. Seksionet më të rrezikuara për drejtuesit janë Katllanovë-Veles, Mavrovë-Dibër-Strugë, Vinicë-Berovë dhe Koçan-Delçevë.