Ushtarët e Komandës Rajonale Lindje të KFOR-it zhvilluan një trajnim të specializuar për transport ajror të pajisjeve në kampin “Novo Selo”, në bashkëpunim me Forcat e Armatosura Daneze. Ushtrimet ishin të fokusuar në përmirësimin e aftësive për sling-load, duke garantuar transport të sigurt dhe mbështetje efektive të operacioneve në rajon. KFOR theksoi rëndësinë e këtyre aktiviteteve për rritjen e ndërveprueshmërisë ndërmjet forcave shumëkombëshe dhe forcimin e kapaciteteve operative. Mandati i KFOR-it vazhdon të zbatohet në përputhje me Rezolutën 1244 të OKB-së, në koordinim me Policinë e Kosovës dhe misionin EULEX.