Ministri i Shëndetësisë, Azir Aliu, prezantoi një projekt strategjik me vlerë 74 milionë euro për transformimin e plotë të Spitalit Klinik të Tetovës. Projekti përfshin renovimin dhe modernizimin e objekteve ekzistuese, ndërtimin e dy objekteve të reja, pajisjen me teknologji moderne dhe riorganizimin e shërbimeve në një sistem të integruar dhe efikas. Financimi do të sigurohet nga buxheti shtetëror dhe institucionet ndërkombëtare, duke garantuar qëndrueshmëri afatgjatë. Një komponent i rëndësishëm i projektit është bashkëpunimi me Universitetin e Tetovës për ofrimin e kushteve moderne të trajnimit për studentët dhe stafin mjekësor, me synimin për të krijuar një qendër rajonale shëndetësore cilësore në Pollog.