Zëvendëskryeministri dhe ministër i Transportit i Maqedonisë së Veriut, Aleksandar Nikolloski, ka bërë thirrje që transportuesit të mos bien pre e lajmeve të rrejshme dhe ndikimeve nga vendet fqinje, sidomos në prag të zgjedhjeve në një prej tyre. Ai sqaroi se në Bruksel nuk ka pasur ndonjë takim të veçantë më 1 shtator, por vetëm një konferencë për shtyp ku u diskutua edhe për transportuesit nga Ballkani Perëndimor. Nikolloski theksoi se përparimi më i madh ka ndodhur në shkurt të këtij viti, kur BE-ja vendosi të njohë shoferët e autobusëve dhe kamionëve si profesionistë, duke u mundësuar atyre të aplikojnë për viza afatgjata që vlejnë në të gjithë zonën e Shengenit. Ai nënvizoi rëndësinë që këto viza të jenë të vlefshme për gjithë zonën dhe jo vetëm për shtetin që i jep, duke theksuar se ndryshimet më të mëdha varen nga vendimet e BE-së, ndërsa Maqedonia e Veriut po bën gjithçka që mund për të mbështetur transportuesit e saj.