Presidenti amerikan Donald Trump ka dërguar një urim të veçantë homologut të tij malazez, Jakov Milatoviq, me rastin e 13 Korrikut, Ditës së Shtetësisë së Malit të Zi. Në këtë mesazh, Trump theksoi gatishmërinë e sektorit privat amerikan për të investuar në projekte të ndryshme në Mal të Zi, duke përfshirë infrastrukturën, energjinë, sigurinë dhe teknologjinë. Ai vuri në dukje rëndësinë e marrëveshjes së fundit ndërqeveritare dhe shprehu shpresën që partneriteti mes dy vendeve do të zgjerohet në vitet e ardhshme. Gjithashtu, Trump vlerësoi aleancën e fortë mes SHBA-së dhe Malit të Zi në ruajtjen e sigurisë rajonale dhe mbrojtjen e vlerave demokratike, duke uruar paqe dhe prosperitet të qëndrueshëm për qytetarët e të dy vendeve.