Në Shkodër, sezoni turistik po përballet me probleme të përsëritura që ndikojnë në cilësinë dhe sigurinë e turizmit, përfshirë trafikun, mbetjet dhe ndotjen akustike. Prefektja e Qarkut Shkodër ka kërkuar nga strukturat përgjegjëse që të marrin masa të menjëhershme për përmirësimin e situatës. Nga kapiteneria e Portit të Shëngjit është bërë apel për drejtuesit e motorrëve të ujit dhe skafeve që të respektojnë rregullat dhe të pajisen me mjete komunikimi për siguri më të madhe. Po ashtu, përfaqësues të Policisë së Shkodrës kanë theksuar nevojën për përcaktimin e korridoreve ujore dhe vendosjen e Rojeve Bregdetare që në fillim të sezonit, për të shmangur vonesat dhe problemet e viteve të kaluara.