Ndalimi për përdorimin e ujit nga ujësjellësi i Gostivarit mbetet në fuqi deri në përfundimin e analizave laboratorike që do të konfirmojnë sigurinë e tij për pije dhe përgatitje ushqimi. Agjencia e Ushqimit dhe Veterinarisë (AUV) po monitoron me kujdes situatën dhe po kryen kontrolle të përforcuara për të përcaktuar burimin dhe shkallën e kontaminimit, pas zbulimit të pompuave të vendosura në mënyrë ilegale që injektonin ujë nga lumi Vardar në sistemin e furnizimit. Ekspertët kanë marrë mostra nga rezervuari, uji sipërfaqësor dhe pika të ndryshme në qytet për testime laboratorike, ndërsa AUV-ja ka paralajmëruar masa ligjore ndaj subjekteve që nuk respektojnë rregullat. Drejtori Oliver Millanov bëri apel për respektimin e rekomandimeve të institucioneve shëndetësore deri në normalizimin e plotë të situatës.