Kryeministri Hristijan Mickoski njoftoi se hetimi për problemet me ujin në Gostivar do të zgjerohet, pasi janë identifikuar përgjegjës të ndryshëm për situatën. Ekspertët e Ndërmarrjes Publike “Ujësjellësi i Shkupit” po kryejnë analiza të përditshme dhe procesi i hiperklorimit është në zhvillim, duke treguar përmirësim të gjendjes së ujit. Shteti ka siguruar ujë teknik për banorët dhe pritet që së shpejti uji të jetë i sigurt për pije dhe gatim, për herë të parë në dekada. Kryeministri falënderoi kompanitë dhe qytetarët për donacionet dhe kërkoi durim deri në përfundimin e analizave dhe masave ligjore.