Komuna e Gostivarit njofton se situata me furnizimin me ujë po përmirësohet gradualisht, ndërsa uji nga rrjeti lokal mund të përdoret aktualisht vetëm për qëllime teknike. Falë bashkëpunimit të institucioneve lokale dhe qendrore, si dhe organizatave dhe qytetarëve, po punohet intensivisht për rikthimin e ujit të pijshëm në afatin më të shkurtër të mundshëm. Shtabet e krizës funksionojnë në mënyrë efikase dhe po ndërmarrin të gjitha masat për normalizimin e plotë të situatës dhe sigurimin e kushteve të sigurta për qytetarët. Komuna premton informim të rregullt dhe transparent për zhvillimet e mëtejshme dhe rekomandimet e institucioneve kompetente.