Analizat e kryera nga Qendra për Shëndet Publik, Stacioni Filtrues dhe Instituti për Shëndet Publik tregojnë se uji në sistemin ujësjellës të Kumanovës është i sigurt për pije dhe nuk ka ndonjë ndotje të rrezikshme. Klorin rezidual i shtuar pas pastrimit shërben si mbrojtje kundër ndotjes sekondare dhe mikroorganizmave të mundshëm në ujë. Furnizimi me ujë është stabil, falë rezervuarëve të plotë dhe burimeve shtesë, por gjatë orëve të mbrëmjes dhe periudhave me konsum të lartë, në zonat më të larta të qytetit mund të ndodhë ulje e presionit për shkak të konsumit joracional në pjesët e poshtme. Autoritetet apelojnë për përdorim të racionuar të ujit, në mënyrë që të ruhet presioni dhe furnizimi i pandërprerë për të gjithë banorët.