NP “Ujësjellësi dhe Kanalizimi” në Shkup ka bërë të ditur se uji i pijshëm në kryeqytet është i sigurt dhe përmbush të gjitha kriteret ligjore për cilësinë. Gjatë periudhës 24-27 gusht, Sektori për Kontroll Sanitar ka marrë dhe analizuar 164 mostra fiziko-kimike dhe 164 mostra mikrobiologjike nga 45 pika të ndryshme në territorin e Shkupit. Rezultatet tregojnë se të gjitha mostrat janë në përputhje me rregulloren për sigurinë dhe cilësinë e ujit të pijshëm. Kjo konfirmon se banorët e Shkupit mund të konsumojnë ujin e rrjetit pa shqetësime për shëndetin e tyre.