Drejtori i NPK "Sharri", Valon Zeqiri, ka deklaruar se uji në Tetovë është i pijshëm dhe i sigurt për konsum. Ai theksoi se çdo ditë kryhen analiza të ujit, të cilat së fundmi kanë konfirmuar cilësinë e tij pas shqetësimeve të ngritura në rajonin e Gostivarit. Për të garantuar sigurinë e furnizimit, janë marrë masa të rrepta dhe janë shtuar kontrollet për mbrojtjen e rrjetit të ujësjellësit. Zeqiri paralajmëroi se çdo person që rrezikon infrastrukturën do të ndëshkohet sipas ligjit.