Kryeministri Hristijan Mickoski njoftoi se janë plotësuar kushtet për uljen e akcizave për dizelin me 4 denarë dhe për benzinën me 2 denarë për litër. Qeveria ka caktuar mbledhjen e nesërme për miratimin e këtyre masave, të cilat synojnë të mbrojnë qytetarët nga rritja e çmimeve të karburanteve. Mickoski theksoi se, pa ndryshimin e akcizave, çmimet e dizelit dhe benzinës do të rriteshin ndjeshëm, por me uljet e propozuara dhe zbritjet nga kompania "Okta", çmimet do të mbeten të qëndrueshme ose do të ulen pak. Ai gjithashtu njoftoi se masa për TVSH-në e reduktuar prej 10% për karburantet do të vazhdojë edhe për dy javë të tjera, ndërsa për më tej do të monitorohet situata dhe do të ndërmerren veprime të mëtejshme në kohë.