Kryetari i Qytetit të Shkupit, Orce Gjorgjievski, ka njoftuar se nga ky vit shkollor, të gjithë nxënësit e vitit të parë në shkollat e mesme do të pajisen me uniforma falas. Kjo masë synon të zvogëlojë dallimet sociale mes nxënësve dhe të lehtësojë barrën financiare të familjeve, duke krijuar një mjedis më të barabartë dhe më të sigurt në shkolla. Gjorgjievski theksoi se shkolla duhet të jetë vend për garë në dije dhe sukses, jo për dallime në bazë të mundësive financiare apo veshjeve. Me këtë iniciativë pritet të ulet diskriminimi dhe bullizmi, duke mundësuar që nxënësit të fokusohen te arsimi dhe zhvillimi i tyre personal.