Me miratimin e ndryshimeve në Statutin e Universitetit “Nënë Tereza” në Kuvend, po hapet një fazë e re në zhvillimin e arsimit publik në gjuhën shqipe në Maqedoninë e Veriut. Ky vendim forcon kapacitetet institucionale të universitetit, zgjeron ofertën akademike dhe krijon mundësi të reja për studentët shqiptarë dhe të rinjtë që duan të ndërtojnë të ardhmen e tyre përmes arsimit cilësor. Universiteti avancoi strukturën akademike me Fakultetin Juridik, Ekonomik dhe Shkencat Humane, duke u bërë një qendër më e fuqishme të arsimit të lartë, kërkimit shkencor dhe zhvillimit profesional. Gjithashtu, harmonizimi i standardeve akademike dhe lëshimi i diplomave në shqip, maqedonisht dhe anglisht rrit dimensionin ndërkombëtar dhe konkurrueshmërinë në tregun evropian të punës.