Ushtarët amerikanë të Gardës Kombëtare të Floridas kanë kryer patrullime të rregullta përgjatë vijës kufitare në zonën lindore të Kosovës si pjesë e misionit KFOR. KFOR ka publikuar pamje nga patrullimi i fundit dhe thekson se këto aktivitete kanë për qëllim ruajtjen e sigurisë dhe rritjen e ndërgjegjësimit për situatën në terren. Misioni i KFOR-it vazhdon të zbatojë mandatin e tij bazuar në Rezolutën 1244 të OKB-së, duke kontribuar në një mjedis të sigurt dhe liri të lëvizjes për të gjithë qytetarët në Kosovë. Gjithashtu, KFOR punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit (EULEX), të cilët kanë role kyçe si reagues të sigurisë në vend.