Ushtarët letonezë të angazhuar në Komandën Rajonale-Lindje (RC-E) të misionit KFOR po zhvillojnë patrulla të rregullta përgjatë vijës administrative Kosovë-Serbi. Këto patrulla kanë për qëllim ruajtjen e vetëdijes për situatën në terren dhe kontribuojnë në stabilitetin e përgjithshëm në rajon, duke siguruar një ambient të sigurt për të gjithë qytetarët në Kosovë. Misioni i KFOR-it vazhdon të zbatojë mandatin e tij bazuar në Rezolutën 1244 të Këshillit të Sigurimit të OKB-së, duke garantuar siguri dhe liri të lëvizjes në mënyrë të paanshme. KFOR vepron në koordinim të ngushtë me Policinë e Kosovës dhe misionin EULEX, duke bashkëpunuar në rolet e tyre përkatëse si reagues të sigurisë në rajon.