Serbia ka paralajmëruar stërvitjen më të madhe ushtarake në historinë e saj, e cila do të zhvillohet më 28 qershor në poligonin “Pasuljanske Livade” pranë Paraqit. Data e zgjedhur përkon me festën e Vidovdanit, përvjetorin e Betejës së Kosovës të vitit 1389, një ngjarje me rëndësi të madhe historike dhe simbolike për serbët. Analisti i sigurisë Drizan Shala vlerëson se kjo stërvitje nuk është thjesht një aktivitet ushtarak, por një mesazh i qartë politik dhe ushtarak, i drejtuar ndaj palëve të ndryshme në rajon. Ai thekson se përdorimi i pajisjeve të avancuara dhe zgjedhja e datës dhe vendit janë elementë që tregojnë një qëllim më të gjerë strategjik dhe simbolik.