Në Shqipëri, lëvizjet e brendshme të popullsisë po dominohen nga vajzat dhe gratë e reja, të cilat po zhvendosen masivisht drejt qyteteve të mëdha për arsimin dhe punësimin. Të dhënat e INSTAT tregojnë se gjatë vitit 2024, 16.289 gra ndryshuan vendbanimin brenda vendit, krahasuar me 9.303 burra, me një përqendrim të veçantë në grupmoshat 20-29 vjeç. Tirana është destinacioni kryesor, ku gratë gjejnë mundësi më të mira në sektorë si administrata, teknologjia, arsimi dhe shëndetësia. Ekspertët theksojnë se ky fenomen po ndryshon strukturën sociale dhe ekonomike të vendit, duke boshatisur periferi dhe duke ulur lindshmërinë në zonat rurale.