Punimet në segmentin rrugor Dollc–Zahaq vazhdojnë me intensitet, ndërsa Ministria e Infrastrukturës dhe Transportit është në bashkëpunim të vazhdueshëm me mbikëqyrësit dhe operatorët ekonomikë për të siguruar përparimin sipas planit dhe afateve të parashikuara. Ministri në detyrë Dimal Basha ka theksuar se, si në çdo projekt të madh infrastrukturor, edhe këtu janë hasur sfida dhe vështirësi në terren, por institucionet janë të angazhuara maksimalisht për t’i adresuar ato dhe për të gjetur zgjidhje që të mos shkaktojnë vonesa të panevojshme. Ministria njofton se ky projekt është një investim i rëndësishëm për qytetarët dhe do të vazhdojë të monitorojë nga afër ecurinë e punimeve për të përfunduar segmentin me cilësinë e kërkuar. Falenderohet publiku për mirëkuptimin dhe durimin gjatë realizimit të punimeve, ndërsa angazhimi për përshpejtim dhe finalizim të suksesshëm mbetet prioritet.