Ministri i Punëve të Jashtme dhe Tregtisë së Jashtme të Maqedonisë së Veriut, Timço Mucunski, vlerësoi vendimet e marra në Samitin e NATO-s në Ankara si një hap të rëndësishëm për forcimin e Aleancës dhe përmirësimin e sigurisë kolektive. Ai theksoi angazhimin e përbashkët për investime më të mëdha në mbrojtje, forcimin e kapaciteteve mbrojtëse dhe shpërndarjen më të drejtë të përgjegjësive midis vendeve anëtare. Gjatë samitit, Mucunski zhvilloi takime dypalëshe me përfaqësues të vendeve anëtare dhe partnere, ku u diskutuan marrëdhëniet bilaterale, bashkëpunimi brenda NATO-s dhe sfidat e sigurisë rajonale dhe globale. Ai përfundoi duke theksuar se Maqedonia e Veriut do të vazhdojë të kontribuojë në mënyrë aktive në stabilitetin dhe unitetin e Aleancës.