Ministri i Transportit, Aleksandar Nikolloski, ka bërë të ditur se ndërtimi i autostradës Trebenishtë–Qafë Thanë nuk është në pikëpyetje, por se do të përcaktohet traseja përfundimtare në bashkëpunim me UNESCO-n. Organizata ndërkombëtare ka ngritur shqetësime për trasenë e propozuar aktualisht, dhe vendimi përfundimtar pritet të merret në fund të qershorit ose fillim të korrikut. Ministria e Transportit do të bëjë përpjekje maksimale për të mbrojtur trasenë aktuale, duke argumentuar se ajo është zgjidhja më e mirë. Në rast se argumentet e tyre nuk pranohen, autostrada do të ndërtohet në një trase alternative, më në jug, por ndërtimi i saj mbetet i sigurt.