Rreth liqenit të Ujmanit janë zbuluar 11 vila të ndërtuara pa leje në pronën e Ibër-Lepencit, të cilat pritet të rrënohen. Mes këtyre objekteve janë edhe dy vila që i përkasin Ivan Zaporozhac, kryesues i asamblesë së Mitrovicës së Veriut dhe nënkryetar i Listës Serbe, dhe vëllait të tij Sergej. Në kërkesë të pronarit Ibër-Lepenc, inspektorati i Ministrisë së Mjedisit ka nisur aksionin për rrënimin e këtyre ndërtimeve të paligjshme. Ky proces po mbahet nën monitorimin e KFOR-it, duke krijuar tension në zonë për shkak të përfshirjes së figurave politike dhe pasojave që mund të ketë lirimi i pronave të uzurpuara.